Contribut por la creaziun de na ponsiun complementara por les artistes y i artisć

• Canche al vëgn presenté la domanda mëss la porsona che fej domanda avëi da altamo dui agn la residënza tla regiun y vire tla provinzia de Balsan;
• la porsona che fej domanda mëss ester scrita ite tl Register provinzial dles artistes y di artisć preodü dal articul 2/bis dla lege provinziala n. 9 di 27 de messé dl 2015;
• la porsona che fej domanda pó avëi davagné indöt l’ann dan chël dla domanda alplü 40.000,00 euro brutto sotmetüs a cutes;
• ala domanda de contribut él da ajunté l'estrat dl cunt dl fonds ponsiun complementara (referí ai 31 de dezëmber dl ann che al é gnü paié ite i contribuc por la ponsiun por chi che an damana le contribut d’integraziun);
• lle paiamënt de altamo € 500,00 te n fonds dla ponsiun complementara;
• la porsona che fej domanda ne pó nia ciafé na ponsiun direta.

Le contribut vëgn conzedü do che al é gnü dé jö telematicamënter la domanda tres i patronac dla provinzia o autonomamënter tres le sorvisc myCivis.

Marca da bol da € 16,00.

Lege Regionala di 20 de novëmber dl 2020, n. 4 “Mosöra previdenziala por artisć y artistes”

Decret dl Presidënt dla Provinzia di 16 de ma dl 2017, n. 18

De tan é pa le contribut?

Le contribut é de € 500,00 al ann y ti vëgn paié ala sozieté Pensplan Centrum S.p.A., che ti le ortia al fonds dla ponsiun complementara pro chël che che che fej domanda á fat l’iscriziun.

Gradatöra sce al n’é nia assá ressurses finanziares

Le contribut vëgn paié ti limic dles ressurses finanziares assegnades vigni ann dala Regiun Trentin-Südtirol. Sce al n’é nia assá ressurses por curí dötes les domandes de contribut rovades ite, vëgnel stabilí chisc criters che vel te chësc ordin:

a) eté dla porsona che fej domanda: al ti vëgn dé la priorité ala porsona plü vedla che fej domanda;

b) davagn dla porsona che fej domanda: sce les porsones che fej domanda á la medema eté á la prezedënza la porsona che fej domanda che l’ann dan la presentaziun dla domanda á davagné indöt la mëndra soma brutto da sotmëte ales cutes;

c) sce les porsones che fej domanda á i medemi recuisic nominá dessura, ti vëgnel dé la priorité ala porsona che á paié ite la majera soma tl fonds dla ponsiun complementara.

Trasparënza

Les informaziuns sön la dorada dl prozedimënt, la porsona responsabla dl prozedimënt, le dërt de sostituziun y i mesi de sconanza legala aministrativa y iudiziara é da ciafé sön chësta plata internet link.

Per d'autra nfurmazions prions bel de jì sun la plata dla istituzion cumpetënta per chësc servisc.